انسان قليل الادب
انسان قليل ألادب اللى يعيب فى الناس
راكبه الغرور والانا عايش كده وخلاص
يعيب فى ده وفى ده عايش بلا أحساس
العيب عنده رجوله وعامل سبع الرجال
لابس فروة أسد يقول انا عنتر بن شداد
ولو شاف فى يوم فأر ينادى على ماماه
تلقاه سريع الغلط مش عامل للكلمه حساب
اللى يقول له عيب يهينه ويفرح بكلمة نفاق
يقول لعمه انا عمك واخده الغرور وكداب
الكدب فيه اصبح مرض ملهوش أى علاج
فى العلم يقول انا مدرسه اتحدى أى أستاذ
الكيمياء هوه أخترعها مش جابر بن حيان
فيثاغورث لطش ابحاثه وكمان النظريات
ونسيوا يكتبوا اسمه أو حتى يخلدوا ذكراه
يقول انا مهندس رزاعه وصاحب ابحاث
والخيار عنده باذنجان واللفت عنده خيار
والكلمه دى لعبته وله دواوين وله اشعار
وكلامه تلاقيه ملطوش من هنا او هناك
كفايه كدب بقه وأعقل بلاش غرور ونفاق
الحكيم فى العلم جاهل ومحتاج للعلم كمان
يارب استعيذ بك من شر نفسى ومن كل النفاق
عبدك جاهل قوى علمنى ياربى حروف الهجاء
=====
تحياتى لكم
الرئيسية 
